Xijaar oo muddo sannado ah soo ahaa taliyaha Booliska DF ayaa waxa xilkii ka qaadey dhawaan madaxweynaha Dowladda Federaalka Xasan Sheekh
Xil ka qaadistii
taliye Xijaar waxa ay ku soo beegantay xiisadda Laascaanood ka taagan taas oo
sababtey in dad badani hoosta ka xarriiqaan sababta xilka looga qaadey jananka.
Wararka qaar ayaa sheegaya in taliyihii hore Ciidanka Badda Jeneraal
Cabdixamiid uu isna ku suganyahay magaalada Laascaanood.
Xijaar ayaa xilka looga qaadey si aanu qayb uga noqon dagaalka Laascaanood ee u dhexeeya dadka deegaanka oo uu ka soo jeedo iyo maamulka Somaliland oo magaalada gacanta ku hayey 15sano.
Dhanka kale maamulka Somaliland ayaa shaley sheegay in dagaal ay ku soo qaadeen maamul
goboleedka Puntland, isla markaana ay iska caabbiyeen.
Saaka ayaa markale la soo sheegayaa in dagaal ka socdo magaalada.
Aagagga weerarka oo awal hore koobnaa ayaa hadda noqday dhowr furimood sida
xoguhu tibaaxayaan.
Maamullada Somaliland iyo Puntland ayaa markii ay dhismayeen galey qalalaase gudeed muddo dhowr sano ah, halkaas oo isimmadii dhaqanka ee gobolladaasi isku khilaafeen sidii wax loo dhisan lahaa xilligaas.
