Al Shabaab oo isbedal ku sameeyay Maamulkii Wilaayada Baay iyo Bakool

Thursday September 30, 2021 - 17:53:26
Liibaan Jeexoow
Maktabka Siyaasadda iyo xiriirka Wilaayaatka ee Xarakada Shabaabul Mujaahidiin ayaa isbadal ku sameeyay Wilaayada Islaamiga ah ee Baay iyo Bakool.


Kulan ballaaran oo ay kasoo qaybgaleen qaybaha kala duwan ee bulshada ayaa waxaa lagu shaaciyay in Wilaayaatka Baay iyo Bakool oo markii hore lahaa hal maamul loo kala saaray labo maamul, isla markaana loo kala magacaabay labo waali.

Waaliga Wilaayada Islaamiga ah ee Bakool ayaa waxaa loo magacaabay Sheekh Cusmaan Abu Cabdi Raxmaan, halka Sheekh Xamsa Abu Jacfar loo magacaabay Waaliga Wilaayada Islaamiga ah ee Baay.

Qaybihii kala duwanaa ee ka kala socday bulshada ku dhaqan Wilaayaatka Baay iyo Bakool iyo masuuliyiin ka tirsanaa hogaanka sare ee Xarakada Mujaahidiinta Al-Shabaab oo kasoo qaybgalay kulanka ayaa uga mahadceliyay Sheekh Cabdullaahi Macalim Geedoow dadaalkii dheeraa ee uu ku bixiyay u adeegidda bulshada Muslimiinta ah sideedii sano ee lasoo dhaafay oo uu ahaa Waaliga Wilaayada Islaamiga ah ee Baay iyo Bakool.

Baay iyo Bakool ayaa kamid ahaa wilaayaatkii ugu horeeyay ee laga dhisay maamullo Islaami ah oo hoos yimaada Xarakada Mujaahidiinta Al-Shabaab sanadkii 2008, waxaana soo maray ilaa saddex waali oo kala duwan kuwaas oo uu ka mid ahaa amiirka guud ee hadda hogaamiya Mujaahidiinta Al-Shabaab, Sheekh Axmad Cumar Abu Cubayda.

Maktabka siyaasada iyo xiriirka wilaayaatka ee Xarakada  Al-Shabaab ayaa sidan oo kale hore isbadallo ugu sameeyay hoggaanka maamullada qaar kamid ah wilaayaatka Islaamiga kuwaas oo ay ugu dambaysay Wilaayaatka Shebeellada Dhexe, Mudug iyo Galguduud.

Ku biir Channelka SomaliMeMo ee Telegram

Liibaan Jeexoow Cabdi
SomaliMeMo,Muqdisho


Related Items