Wargelin Ku Saabsan Fadliga Soonka Caashuraa 10-ka Bisha Muxarram.

Saturday August 06, 2022 - 15:22:04
Super Admin
Asalaamu Calaykum Waraaxmatullaahi Wabarakaatuhu Ogaysiis Ku Saabsan Fadliga Caashuuraa Kuna Beegan 07 Agoosto & 08Agoosto 2022.

Ikhwaanii Fillaah Sidaad Lasocotaan Waxaynu Ku guda Jirnaa Bil Kamid Ah Billaha Xurmada Ku Leh Alle Swt Agtiisa. Bishaan Waa Bisha La Dhaho Muxaram, Waxaana Ku Jirta Maalin Qofkii Sooma Loogu Dhaafaayo Dembigiisii Sanadkii Tegay Insha'allaahu, Waana Maalinta 10aad Ee Bishan.

عن أبي قتادة – رضي الله عنه- عن النبي –صلى الله عليه وسلم- ( صيام يوم عاشوراء أحتسب على الله أن يُكفّر السنة التي قبله ) رواه أحمد (5/296)، ومسلم 1163

Ikhwaanii Filcaqiidah, Nebigu Scw Wuxuu Yiri Xadiis Uu Warinaayo Abii Qataatah Rc: (Soonka Maalinta Caashuuraa Waxaan Allaah Ka Rajaynaayaa Inuu Iigu Dhaafo Sanadkii Tegay) Waxaa Wariyey Axmed: 5/296, Muslim:1163

Ikhwaanii Fillaah Waxaa Sidoo Kale Sunno Ah in lasoomo Maalinta 9aad Ee Ka Horraysa Maalinta Caashuuraa. Sababtuna Waa In Uu Rasuulku Scw Yiri: (Sanadka Soo Socda Waxaynu Soomaynaa Maalinta 9aad) Waxaa Wariyay Muslim: 1916. Laakiinse Rasuulku Scw Ma Uusan Gaarin Sanadkii Uu Balan Qaaday Inuu Soomo Oo Rabbi Swt Baa Oofsaday.

 

Hadaba Ikhwaanii Fillaah Maadaama Uu Rasuulku Scw Hadii Uu Noolaan Lahaa Soomi Lahaa Sanadkuu Balan Qaaday, Waa Inaynu Annagu Soomnaa Maalinta 9aad Oo Aanu Ku Darnaa Maalinta 10aad Ee Ah Cashuuraa.

Jazakumullaahu Kheyran aan ka wada Faa'iidaysano Acmaasha Kheyrka badan

SomaliMeMo,Muqdisho


 

 


Related Items